Det er lov å forvente at prosjekt blir levert på tid, kost og kvalitet!

Å levere prosjekt på tid, kost og kvalitet er ikkje alltid like lett som ein skulle tru.

Bedrifter me har snakka med, peiker på at særleg forbetrings- og endringsprosjekt, der ein til dømes skal endre arbeidsprosessar eller innføre nye datasystem, ofte vert nedprioritert til fordel for arbeid på prosjekt ut mot kundar. Konsekvensen er at prosjekta vert forseinka, får ikkje tilstrekkeleg fokus, vert dyrare enn ein hadde sett føre seg, og ein får ikkje kvaliteten ein ønska seg.  

Det er ikkje unaturleg at det er slik, for kunden vil jo alltid komme først. Samstundes er verdien av å lukkast med forbetrings- og endringsprosjekt stor. Desse prosjekta skal bidra til å nå dei strategiske måla selskapet har sett seg føre, og kanskje er det nettopp desse endringane som legg til rette for at ein kan vinne nye kontraktar på nye marknadsområde framover. 

Me i Ydda har som vår hovudoppgåve å hjelpe våre kundar med å gjennomføre sine forbetrings- og endringsprosjekt på tid, kost og kvalitet. Dette får me til ved å følgje beste praksis for prosjektgjennomføring, der me alltid startar med å bruke tid til å byggje ei felles forståing saman med kunde om kva problem som skal løysast, eller kva moglegheit som skal nås. Etterpå gjennomfører me prosjekta i tett samarbeid med kunden, med jamlege rapporteringar og høgt fokus på risikohandsaming gjennom heile prosjektet si levetid.  

Har du prosjekt i organisasjonen din som du opplever tek for lang tid før dei kjem til målet? Ta kontakt med oss i Ydda for ein uformell prat, så kan me sjå på kva me kan hjelpe til med!